Ընթացիկ տարվա առաջին եռամսյակի 1000 խոշոր հարկատուների ցանկը

Հրապարակվել է ընթացիկ տարվա առաջին եռամսյակի տվյալով Հայաստանի 1000 խոշոր հարկատուների ցանկը:

Առաջատարը Զանգեզուրի պղնձամոլիբդենային կոմբինատն է՝ վճարած 35 մլրդ 448 մլն դրամով, 2-րդը «Գազպրոմ Արմենիա»-ն է՝ 20 մլրդ 82 մլն դրամով, երրորդը Հայաստանի պաշտպանության նախարարությունը՝ 8 մլրդ 631 մլն դրամով: 4-րդ տեղում «Գրանդո Տոբակո»-ն է՝ 7 մլրդ 870 մլն դրամով, հնգյակը եզրափակում է՝ «Ինտերնեյշնլ Մասիս Տաբակ» ընկերությունը՝ 5 մլրդ 871 մլն դրամով:

1000 խոշոր հարկատուները միասին վճարել են 327 մլրդ 72 մլն դրամ կամ առաջին եռամսյակում հավաքագրված ընդհանուր հարկերի (400.6 մլրդ դրամ) շուրջ 81.7 տոկոսը:

Հարկերի գծով մուտքերը կազմում են՝ 278 մլրդ 321 մլն դրամ, մաքսատուրքերի գծով եկամուտները՝ 48 մլրդ 751 մլն դրամ:

Նախորդ տարվա առաջին եռամսյակի համեմատ 1000 խոշոր հարկատուների վճարած հարկերն աճել են 25.7 տոկոսով, իսկ 2020-ի համեմատ՝ 18.8 տոկոսով: