Առևտրաշրջանառության աճ առաջին եռամսյակում

2022թ. 1-ին եռամսյակում նախորդ տարիների նույն ժամանակահատվածների համեմատ Հայաստանում աճել է ՀԴՄ կտրոններով և հաշվարկային այլ փաստաթղթերով կատարված գործարքների քանակը՝ կազմելով շուրջ 128.8 մլն հատ: Դրանցով արձանագրված գումարը կազմել է` 1 տրլն 947.8 մլրդ դրամ։
2021թ. համեմատ գործարքների քանակը ավելացել է շուրջ 10.8 մլն հատով կամ 9.1%-ով, 2020-ի համեմատ` 17.4 մլն հատով կամ 15.7%-ով, իսկ 2019թ. համեմատ` 37.8 մլն հատով կամ 41.5%-ով:
Գումարային արտահայտությամբ աճը նախորդ տարվա համեմատ կազմում է շուրջ 452.5 մլրդ դրամ կամ 30.3%, 2020-ի համեմատ` 555.5 մլրդ դրամ կամ 39.9% և 2019 թվականի համեմատ` 691 մլրդ դրամ կամ 55%: