Հայաստանը ԵԱՏՄ-ում և հարևան երկրների մեջ ամենացածր գնաճն է արձանագրել

Չնայած բարձր գնաճին, այնուամենայնիվ Հայաստանը գործընկեր և հարևան երկրներից միակն է, որտեղ այն երկնիշ չէ:

Հայաստանում ապրիլին գնաճը կազմել է 8.4 տոկոս, ԵԱՏՄ երկրներից՝ Ռուսաստանում այն՝ 17.8 տոկոս է կազմել, Բելառուսում՝ 16.8 տոկոս, Ղազախստանում՝ 13.2, իսկ Ղրղզստանում՝ 14.5 տոկոս:

Եթե հարևան երկրների հետ համեմատենք՝ Թուրքիայում այն 70 տոկոս է կազմել, Իրանում 35.6 տոկոս, Վրաստանում՝ 12.8, իսկ Ադրբեջանում՝ 12.4:

Հայաստանի Կենտրոնական բանկն այս տարի կանխատեսում է 6.5 տոկոս գնաճ: